Book review

1. Вэб 2.0 ийн тухай ном
------------------------------------------------------------------------------

Номын нэр: Web 2.0 Book (in japanese)
Зохиолч: Ogawa Hiroshi, Goto Yasunori
Хэвлэлийн газар: Impress Japan Co.,Ltd.
ISBN4-8443-2226-5

Вэб 2.0 төрлийн ажил үйлчилгээ явуулдаг компаний захирал 2 хүний бичсэн ном юм. Вэб 2.0 гэж юу болохоос эхлээд сүүлийн үед энэ чиглэлээр тэргүүлж яваа компаниудын ажил үйлчилгээг жишээ болгон тайлбарлажээ.
Ном 5 бүлгээс тогтоно:
1-р бүлэг: Вэб 2.0 гэж юу вэ?
Longtale, Mashup, Taging зэрэг Вэб 2.0 ийн элементүүд, болоод тэдгээрийн үүсэн бий болсон түүхээс тайлбарлажээ.
2-р бүлэг: Вэб 2.0 ийн тойрон дэх технологийн хүрээ
RSS, Ajax, Microformat зэрэг Вэб 2.0 ийг хэрэгжүүлэхэд ашиглагдаж буй технологийн элементүүдийн тухай.
3-р бүлэг: Вэб 2.0 төрлийн үйлчилгээ
Яг одоо зах зээл дээр үйлчилгээ явуулж буй Вэб 2.0 компаний бизнесийн загварыг жишээ болгон Вэб 2.0 ийн онцлогийг тайлбарлаж.
4-р бүлэг: Вэб 2.0 ийн ойрын ирээдүйн төлвийг шинжих нь
Вэб 2.0 ийн нөлөөгөөр интернэт болоод интернэтийн бизнес ямар хэлбэрийг олон хувьсан өөрчлөгдөхийг зохиогчид зөгнөн таамаглахыг зорьжээ.
5-р бүлэг: Вэб 2.0 оор ажилладаг веенчер компаниудын үйл ажиллагаа
Америк, Японд болж буй Вэб 2.0 ийн талаарх конференцийн материал, Вэб 2.0 компаний гол төлөөлөгчидтэй үүсгэсэн харилцан яриа зэргийг оруулсан байна.
------------------------------------------------------------------------------

2. Сонирхолтой хэл шинжлэл
------------------------------------------------------------------------------

Номын нэр: Сонирхолтой хэл шинжлэл
Зохиолч: М. Саруул-Эрдэнэ
ISBN 99929-6-513-4
2006

Ийм нэгэн тун сонирхолтой ном гарчээ. Хэл шинжлэлийн талаар тун сонирхолтой хэлбэрээр бичсэн ном байна. Ер нь ямар ч насны хүн уншихаар ном юмаа. Элгээ хөштөл инээхээр газар зөндөөө. Манай блогчид даан ялангуяа дуун хөрвүүлэлтийн ажил хийдэг хүмүүнүүд аваад уншихад хэрэг болохоор ном байна лээ шүү.
------------------------------------------------------------------------------

3. Амжилт руу тэмүүлэх сэтгэлийн гал-Passion
------------------------------------------------------------------------------

Номын нэр: 成功への情熱ーPassion
Зохиолч: 　Inamori Kazuo
ISBN 4-569-57506-4

Энэ номыг ЭМОС клубынхан орчуулж байгаа сургаар худалдаж аваад эх хэл дээр нь уншиж байна. Үүний тухай энд бас энд дурдагдсан байгаа. Мундаг ном байнаа. Арай уншиж дуусаагүй байна. Монгол орчуулга нь гарахлаар бас авч уншина даа. Эргэлзэх юмгүй маш сайн орчуулга болсон байж таараа. Бэлгэнд өгч болох бас нэг ном нэмэгдэх нь гээд баяртай л байна.
PASSION гэдэг үг бизнэс эрхлэн амжилтад хүрэхэд маш чухал ойлголтууд болох дараахь үгнүүдийн эхний үсэг хэмээн зохиогч тодорхойлжээ.
P- Profit
A- Ambition
S- Sincerity
S- Strength
I- Innovation
O- Optimism
N- Never give up
Ер нь япон хүн энэ мэтээр үгээр тоглохдоо гарамгай билээ. Жишээ нь ОКАШИ гэвэл сонсоход жигнэмэг гэсэн утгатай. Тэгтэл бага сургуулийн хүүхдүүдийг сургууль дээрээ байхад нь газар хөдлөлт мэтийн аюул гамшиг тохиолдсон үед баримтлах дүрмийг ОКАШИ гэж тогтоогоорой хэмээн заана. О- Осанай буюу түлхэлцэхгүй, КА- какенай буюу гүйхгүй, ШИ-шябаранай буюу ярилцахгүй гэх мэт.

------------------------------------------------------------------------------

4. Silicon Valley -гийн сэтгэлгээ
------------------------------------------------------------------------------

Номын нэр: シリコンバレーの精神
Зохиолч:　Umeda Mochio
ISBN 4-480-42253-6

Японд бестселлер болсон Вэб хувьслын тухай гэдэг номыг нь өнгөрсөн сард уншиж зохиогчтой "танилцсаны" хувьд саяхан Токёогоос ирсэн найздаа захиж энэ номыг авахуулав. Сонирхолтой ном юм. Уншаад дундаа л явж байна.
-------------------------------------------------------------------------------